Pathian Lamhruainak: Psalm 23

Cucaah, a hman mi lam i a kan hruainak ahhin, a fawi le a har kha biapi bik a si lo. A biapi bik mi hna cu hi hna hi an si:  (1) a hman mi lam ah a kan hruai, (2) a kan hruaitu cu kan sin ah a um, (3) a kan hruaitu cu Bawipa a si.

Phundang in chimh ahcun, Tuukhal cu tuu sin ah a um lo ahcun tuukhal rian tuan khawh a si lo. Cu ve bantuk cun, Bawipa nih a kan hruai ti a sullam cu, kan sinah a um tinak a si ve. 

Cucaah, kan hmai i kan hmuh mi kha tih a nun lo caah si loin, kan hmuh mi nak in kan sin i a ummi Pathian kha a thawn deuh caah, le kan sin i a ummi kha ahodah a si timi kha fiang tein kan hngalh caah, Psalm 23 i David bantuk in, Number 12 ah kan hmuh mi,Joshua le Caleb bantuk in, "Bawipa zeihmanh ka tih lai lo" kan tinak tu a si.

A cunglei i Pathian hruainak kong hi a tanglei Khrihfa Hlabu 46: "A Ka Hruai" timi nih fiang tein a langhter.

1. Pathian nih a ka hruai zungzal, Vancung lungdaihnak in a khat, Ka tuahnak le ka umnak ah, Jesuh kut in a ka hruai ko.
2. A caanah sifahnak lakah, A caan ah lunglawmhnak lakah, Ti daihnak le tilet lak ah, Jesuh kut in a ka hruai ko.
3. Bawipa, na kut tlaih ka duh ko, Zeitik hmanh ah al ka duh lo, Khuazei hmanh ah na ka hruai ca’h, Hnangam te in ka um zungzal.
4. Vawlei riantuan a dih tikah, Na liannak in ka tei tikah, Jordan na ka tanpi caah, Thihnak tilet ka tih lai lo.
   CHO: A ka hruai ko, A ka hruai ko, Amah kut in a ka hruai ko, A kut in a ka hruai ca ah, Lung fek zulhnak ka lung a si.

"Bawipa nih a kan hruai tik ah, a hman mi lam ah a kan hruai zungzal nain a fawi mi lam ah a kan hruai zungzal lo (Psalm 23)." - Peter Thang